369 Бардыгы /

Соцтармакта «Өзбекстан тараптан чек арачылар эки кайык менен келишип балык уулаган кыргызстандыктарды кубалады» деген маалымат тараган эле.

Ошондуктан, Кыргыз журналисти УКМК башчысы Камчыбек Ташиев: «Мындан ары ээн-эркин балык ууласа, мал сугарса болот» деген келишим аткарылбай жатабы?» деген собол узаткан. Бирок,Камчыбек Ташиев келишимди Өзбекстан 100 пайыз аткарып жаткандыгын баса белгиледи. 

– Кечээ эле Өзбекстанга барып, кесиптешим менен жолуктум. Чек ара башчысын чакырдык. Биздин эки жараныбыз Кампир-Абад суу сактагычынын жээгинде балык уулап жүрүшүп, Өзбекстан тараптын жээгине, кургактыкка капысынан өтүп кетишиптир. Чек арадан өтүп кеткен үчүн аларды камаш керек эле… Биз деле чек араны бузуп өтсө. Өзбесстан жарандарын камайбыз го. Мыйзам ушундай. Бирок, Өзбек чек арачылары бул сапар адамгерчилик кылышып, тигил эки жараныбызды катерге салып, биз тарапка чыгарып коюп, кайра кетишиптир, — деди УКМК төрагасы Камчыбек Ташиев.

Кыргыз Өкмөтүнүн мүчөсү Камчыбек Ташиев сөз арасында тор менен балык кармоо бир гана Кемпир-Абадда эмес, Кыргызстандын бардык көлдөрүндө дагы таптакыр тыюу салынгандыгын кошумчалаган. УКМК төрагасы Кыргыз жарандарын чек арадан мыйзамсыз өтпөөгө чакырып, чек араны бузуп өткөндөргө мыйзам чегинде катаал чара көрүлөөрүн кату эскертти.

Алишер ТОСКОНБАЕВ, өз кабарчы