345 Бардыгы /

ЖАЛАЛ-АБАД. Бүгүн, 17-майда Жалал-Абад электр тармактар ишканасынын устаттарынын арасында 28 бригада мелдешке катышты. Буу тууралуу аталган ишкананын маалымат кызматы билдирди.

Баардык район электр тармактарынан 12, жогорку аба чубалгыларын тейлөө кызматынан 6, көмөк чордондор кызматынан 10 бригада мелдешке катышты.

Алардын ар бири 4 этап менен техникалык коопсуздукту сактоодогу эрежелери менен жана ар бир этаптын белгиленген мөөнөтүн сактоо менен көрсөтүп жатышат.

1. Өрт коопсуздугун сактоодогу критерийлер;

2. Анкердик жана 10 кВ мамычада токко урунган кызматкерди куткаруу;

3. Трансформатордун аварияга учураган абалын калыбына келтирүү;

4. Телевышка менен иштөө;

5. Көмөк чордондогу изоляторду алмаштыруу эрежелери;

6. Мамычага чыгуу, изоляторлорун алмаштыруу, аба чубалгынын үзүлгөн жерин эреже менен улоо;

7. Мелдешке катышкан ар бир устат же инженер билим деңгээлин текшерүү максатында тесттен өтүүдө.

Ар бир этапта кесипкөй адистерден үчтөн калыстар тобу уюштурулган. Алар ар бир топтун эрежеге ылайык көрсөтүп берүүсүн дыкат текшерүүдө.

Бүгүн, 28 бригаданын баары мелдештин талаптарын толук аткарууга жетишкен жок.

Мелдеш эртең дагы уланып, жеңүүчүлөр аныкталат.

Айта кетчү жагдай, Жалал- Абад электр тармактар ишканасы болуп түзүлгөндөн бери мындай мелдеш биринчи жолу уюштурулууда.