366 Бардыгы /

 Ош облусуна караштуу Кара-Суу шаарындагы Жоомарт Бөкөнбаев атындагы сейил багында акыры заманбап фонтан пайдаланууга тапшырылды. Бул туурасында президенттин Ош облусундагы Өкүлчүлүгүнөн билдиришти.

        Белгилей кетчү жагдай: Ош облусунун жетекчиси Элчибек Жантаев былтыр Кара-Суу районуна жумушчу сапары менен барып, аталган сейил бактын ал-акыбалы менен жеринде таанышкан. Анда ал заманбап фонтандын курулушунун каражатын толугу менен бөлүп берүү ниетин билдирип, долбоорду даярдоону жергиликтүү бийлик өкүлдөрүнө катуу тапшырган эле.

        Ошентип, Ош облус жетекчисинин түздөн-түз колдоосу аркасында Ош облусунун өнүктүрүү фондусунан жетиштүү каражат бөлүнүп, 2023-жылдын август айында тендер жарыяланып, 5 млн 610 миң сомдук эки тараптуу келишим дагы түзүлгөн эле. Ушунча каражатка фонтандын курулушунан тышкары, тротуар жана жарыктандыруу иштери бүткөрүлүп, “Кара-Суу” инсталляциясы орнотулду.

Алишер ТОСКОНБАЕВ, өз кабарчы