258 Бардыгы /

Улуттук коопсуздук мамлекеттик комитетинин (УКМКнын) төрагасы Камчыбек Ташиев Ош шаарынын Жибек жолу кичи районунун (мурунку Он-Адыр аймагынын) тургуну Оятилло Абдурахимжановго туулгандыгы туурасындагы күбөлүгүн жана жарандык паспортун тапшырды.

УКМКнын маалыматына караганда, Оятилло Абдурахимжанов 2024-жылдын башында Камчыбек Ташиевге атайын кайрылып, Кыргыз Республикасында туулгандыгы тууралуу күбөлүгү дагы, жарандык паспорту дагы жок экендигин билдирген жана ага сөзсүз жардам берүүсүн дагы суранган. 19 жаштагы Оятилло Абдурахимжанов буга дейре чет өлкөлөрдүн биринин футболдук клубунда ойноп келген. Кыргызстанда акыркы кезде футболго реалдуу көңүл бурулуп жаткандыгын эске алып, Кыргыз футбол клубдарынын биринде ойноону каалагандыгын ачык айткан. Ушул тапта Оятилло – Кыргызстан жаштар улуттук курама командасынын мүчөсү.

Кыргыз Республикасынын Минитирлер кабинетинин төрагасынын орун басары Камчыбек Ташиев жаш оюнчу Оятилло Абдурахимжановду Кыргыз Республикасынын жараны болушу менен чыг ыкластан куттуктап, мындан ары Кыргыз Туусун бийик көтөрүп, спортто чоё ийгиликтерди жаратуусуна тилектештигин билдирди.

Алишер ТОКСОНБАЕВ, өз кабарчы