198 Бардыгы /

ЖАЛАЛ-АБАД. Бүгүн, 26-июнда Жалал-Абад электр тармактар ишканасынын кесиптик кошуну лагерге балдардын 1- этабын жөнөттү.

Жалал-Абад электр тармактар ишканасынынмаалымат кызматы билдргендей, лагерге 7 жаштан 14 жашка чейинки өспүрүмдөрдүн биринчи тайпасы Арстанбап айылындагы “Зорька” лагерине жөнөтүлдү. Балдардын жайкы эс алуу күнүн пайдалуу жана кызыктуу өткөрүү үчүн ишкананын кесиптик кошуну 150 баланы “Зорька” лагерине жайгаштырды.

Андан сырткары Аксы, Ала-Бука, Чаткал району боюнча 47 бала “Сары – Челек” лагерине, Кара-Көл шаарынан 16 бала “Кайыңды” лагерине, Токтогул районунан 25 бала “Өйүш – Булак” лагерине июль айынын башында жөнөтүлөт.

Лагерге тарбиячылар балдарды эс алдырып гана тим болбостон, билим деңгээлин жогорулатып, аң-сезиминин кеңейишине себеп болот. Бала – дүйнө таанымы, мамиле куруу жөндөмү, оюн ачыктап айтууга, жаратылышка аяр мамиле жасоого үйрөнө алышат.

Лагерде эс алуу 10 күнгө созулуп спорттук оюндар, маданий иш-чаралар менен коштолот.

Учурда Жалал-Абад ЭТИ боюнча 238 бала эс алышса, экинчи этабы 10 күндөн кийин жөнөтүлөт. Быйылкы жылы жалпы 320 баланын эс алуусу каралган.