228 Бардыгы /

ЖАЛАЛ-АБАД. Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Тогуз-Торо районунун Каргалык айыл аймагынын Казарман айылында курулуп жаткан бир катар социалдык объектилердеги иштин жүрүшү менен таанышты.

Анда облус башчысы айылдагы 5 гектардан ашуун жер аянтына курулуп жаткан Жээнтай Кыдыров атындагы эс алуу багынын, Отор Чопиев атындагы балдар өспүрүмдөр спорт мектебинин жаңы спорт залынын курулушу, райондун өнүктүрүү фондунун каржылоосу менен айылдын ички көчөлөрүндөгү жөө жүргүнчүлөргө түзүлүп жаткан шарттарды көрдү.

Ыйгарым укуктуу өкүл аталган курулуштардан бир катар кемчиликтерди белгилеп, жөнгө салууну тапшырды. Ага катар жергиликтүү бийлик жана жумушту аткаруучу компания жетекчилигине өз убагында, сапаттуу бүткөрүү зарылдыгын эскертти.