174 Бардыгы /

        Ош облусуна караштуу Алай районундагы Кызыл-Булак тилкесинде жайланышкан «Перити-Коал» көмүр казуучу ишканасынын тоо-кен байытуу комбинаты акыры ишке киришти.

        Аталган ишкананын тушоосун Президенттин Ош облусундагы өкүлү Элчибек Жантаев жана  Жогорку Кеңеш депутаты Улан Примов кесишти. Ош облус жетекчиси Элчибек Жантаев өз сөзүндө тоо-кен байытуучу комбинат башка көмүр өндүрүүчүлөргө дагы бекем өрнөк болоорун, топтолуп калган көмүрдүн майдасын кайрадан иштетүү менен экологияга зыян келтирбестен гана таза байытылган көмүр өндүрүү заман талабы экендигин ачыктады.

        Белгилей кетүүчү жагдай: Алай районундагы бул жапжаңы тоо-кен байытуу комбинатынын өндүрүмдүүлүгү суткасына 1 миң 200 тоннага чейин, ал эми айына 36 миң тонна таза зыянсыздандырылган байытылган көмүрдү такай өндүрөт.

Алишер ТОКСОНБАЕВ, өз кабарчы