192 Бардыгы /

Кыргыз Республикасынын Транспорт жана коммуникациялар министринин милдетин аткаруучу Абсаттар Сыргабаев Баткен облусунун жолдорун жеринде кыдырды. Сапарынын жүрүшүндө Өкмөт мүчөсү Раззаков шаарындагы айланма жолго дагы баш бакты.

Аталган ведомстводон маалымдашкандай, ушул тапта аталган тилкеде жер иштери абдан кызуу жүрүүдө. Белгилей кетчүү жагдай: Эл аралык маанидеги Ош – Баткен – Раззаков автоунаа жолунун Раззаков шаарын айланып өткөн 6,2 чакырым аралыгын куруу иштери 2022-жылы башталган. «Кыргызавтожол» мамлекеттик ишканасы тарабынан 4 чакырымы бүткөрүлгөн соң каттам ачылып, пайдаланууга тапшырылган. Сапар маалында Абсаттар Сыргабаев жолчулар менен дагы кенен-чонон баарлашып, жетекчилердин маалымат уккан соң апта аягына чейин асфальт төшөө иштерин баштап, жумуштун темпин тездетүүнү тапшырды.  Ошондой эле Өкмөт мүчөсү Кайрагач-Кулунду-Арка автоунаа жолунун Бели-Сынык тилкесине аярлап, бул жолдун деңгээлин ылдыйлатуу иштери менен таанышты.

Сапарынын соңунда Транспорт жана коммуникациялар министринин милдетин аткаруучу жана коммуникациялар министринин милдетин аткаруучу Абсаттар Сыргабаев Самаркандек – Мадиген – Жети-Таш, Миң-Булак – Чорго – Ак-Сай, Көк-Таш – Ак-Сай – Тамдык, Ак-Сай – Рават жолдору менен катар курулушу жүрүп жаткан жана жыйынтыкталган унаа жолдорун көрүп, бир катар тапшырмаларды берди.

Алишер ТОКСОНБАЕВ, өз кабарчы