114 Бардыгы /

Тынчтык Корпусунун жаңыдан эле ант беришкен 21 ыктыярчысы Чүй, Нарын, Ысык-Көл, Талас, Ош жанан Жалал-Абад областарынын орто мектептеринде кийинки 2 жыл бою жергиликтүү англис тили мугалимдери менен биргеликте англис тилин окутушат. Булар 1993-жылдан бери Кыргыз Республикасында кызмат өтөгөн ыктыярчылардын 30-тобу.

Тынчтык Корпусунун ыктыярчыларынын ант берүү аземине АКШнын Кыргыз Республикасындагы элчиси Лесли Вигери, Кыргыз Республикасындагы Тынчтык Корпусунун директору Хойт Брайан Йи, ыктыярчылар, ошондой эле, ыктыярчылар менен чогуу иштеше турган жергиликтүү мугалимдер жана мектеп директорлору дагы катышышты.

• Отуз жылдан ашуун Тынчтык Корпусунун ыктыярчылары

жана алар иштеген жамааттар биргеликте окуучулардын жана мугалимдердин англис тили боюнча билимин жогорулатуу менен ыктыярчы кызматын өтөп кеткенден кийин да көп жылдарга созула турган мамилелерди кура алышты. Бул мамилелер Кыргыз Республикасы менен АКШнын элдеринин ортосундагы бири-бирин түшүнүүнү жана достук мамилени бекемдөөгө өбөлгө түзөт! – деди АКШнын Кыргыз Республикасындагы элчиси Лесли Вигери.

Баса, ыктыярчылар орто мектептердин жергиликтүү англис тили мугалимдери менен ийиндеше иштешип, өзүлөрүнүн билимдерин жана окутуунун жаңы усулдарын мугалимдер менен өз ара бөлүшүшүп, жана окуучу балдарга тил жөндөмдөрүн жогорулатууга дем гана беришет. Ыктыярчылар жана алардын кызматташтары англис тили сабагын гана өткөрүшпөстөн, ар кандай ийримдерди жана сабактан тышкаркы иш-чараларды өткөрүү менен окуучулардын жана башка жамааттын мүчөлөрүнүн англис тили боюнча билимин жогорулатууга жана практикалоого такай көмөк көрсөтүшөт. Ыктыярчылар Кыргызстандагы кабыл алуучу үй-бүлөлөр менен жашашат жана Тынчтык Корпусунун кичи долбоорлор программасынын негизинде билим берүү, туруктуу өнүгүү жана климаттын өзгөрүүсүнө карата аракеттер тармагындагы жамаат үчүн пайдалуу долбоорлорду гана колдошот.

Баса, ант берүүгө чейин ыктыярчылар 11 жумалык кызматка чейинки тренингден өтүшүп, кыргыз тилин жана маданиятын, сабактарды өткөрүүнүн ыкмаларын үйрөнүштү. Тынчтык Корпусу ыктыярчыларды мектептерге жөнөтүү боюнча чечимдерин Кыргыз Республикасынын билим берүү жана Илим министрлиги менен тыгыз кызматташтыкта гана кабыл алышат.

Алишер ТОКСОНБАЕВ, өз кабарчы