3 Бардыгы /

         Бүгүн «Кыргызкөмүр» мамлекеттик ишканасы Баткен облусунун Баткен районуна караштуу Кара-Бак айыл аймагындаүндө жайланышкан Урмизан-3 көмүр кенин ишке киргизди.

        Энергетика министрлигинен билдиришкендей, Урмизан-3 көмүр кени 100 пайыз мамлекеттик үлүштө. Жалпы аянты 5 гектарга жетет. Ал эми инвестициялык долбоордун көлөмү 3 миллион  АКШ долларын түзөт. Көмүр кенинде 26 жумушчу туруктуу эмгектенет. Ошондой эле Ош облусунун Кара-Суу районуна караштуу Папан айыл өкмөтүнө караштуу тилкеде Загара-2 көмүр кени ачылды. 16,78 гектарды ээлеген бул кен дагы толугу менен мамлекеттик үлүштө. Инвестициялык долбоордун көлөмү 5 миллион АКШ долларын түзөт. Ушул тапта аталган кенде 77 кызматкер эмгектенет.

        Ошентип, «Кыргыз көмүр» мамлекеттик ишканасы калкты күз-кыш мезгилине сапаттуу жана дагы эё арзан көмүр менен камсыз кылуу жана жогорку деңгээлдеги көмүр экспортуна жетишүү максатында тийиштүү иш-чараларды такай жүргүзүүдө.

Алишер ТОКСОНБАЕВ, өз кабарчы