9 Бардыгы /

Бүгүн, 2-сентябрда Жалал-Абад шаарынын мэри Эрнисбек Ормоков Олимпиадалык резервдин мектебинин ишмердүүлүгү менен таанышып, билим берүү кызматкерлерин жана окуучуларды жаңы окуу жылынын башталышы жана билим күнү менен куттуктады.

Жалал-Абад шаардык мэриясынын маалымат борбору билдиргендей,

шаар мэри өлкөнүн түштүк аймагында алгачкы ирет ачылган олимпиадалык резердин мектебинин ишмердүүлүгүнө ийгилик каалап, дүйнөнүн жана олимпиаданын чемпиондору чыгышына тилектештигин билдирди.

Иш-чарага Кыргыз Республикасынын Маданият, маалымат, спорт жана жаштар саясаты министрлигине караштуу Спорт департаменти боюнча министрдин орун басары Айбек Абдымомунов, Президенттин Жалал-Абад облусундагы ыйгарым укуктуу өкүлүнүн орун басары Максат Сыдыков, спорт мектептин эмгек жамааты, окуучулар катышты.

Олимпиадалык резервдин регионалдык мектебинде 2 окуу корпусу, 2 жатаканасы жана спорт залдары бар. Мында спорттун олимпиадалык 7 түрү тагыраагы, бокс, дзюдо, жеңил атлетика, оор атлетика, грек-рим күрөшү, балдар, кыздар эркин күрөшү боюнча окуу-машыгуулар жүргүзүлөт.

Аталган мектеп окуучуларды 8-класстан баштап окута баштайт. Быйыл Кыргызстандын бардык аймактарынан жалпы 100 окуучу кабыл алынды.