9 Бардыгы /

Жол кыймылынын коопсуздугун камсыздоо  башкы башкармалыгынын Жол көзөмөлдөө бөлүмү тарабынан 26-августтан тартып, 30-августка чейин “Коопту жүк” аталышында рейд өткөрүлүп күйүүчү майларды , жарылуучу заттарды, газ суюктуктарын, күйүп кетүүчү заттарды, уулу радиоактивдүү заттарды ташыган оор жана коопту унаалар текшерилди.
ЖКККББнын басма сөз кызматы билдиргендей, рейддин жүрүшүндө 73 коопту жүк ташыган унаалар текшерилип, аныкталган кемчиликтери үчүн 63 айдоочуга укук бузуулар жөнүндө протоколдор толтурулуп, жалпы 512 миң сомго айып салынды.
Андан сырткары коопту жүктөрдү ташыган “Сервис муңайзат компаниясы” жоопкерчилиги чектелген коомуна,  “Кант” невтибазасына, “Альфа Ойл” жоопкерчилиги чектелген коомуна жана “Ред Петролеум” жоопкерчилиги чектелген коомунун айдоочуларына жол эрежелерин сактоо жана унаалардын техникалык абалына көңүл буруу багытында түшүндүрүү иштери жүргүзүлдү.