9 Бардыгы /

Кыргыз Республикасынын Юстиция министрлигине караштуу Жазаларды аткаруу кызматы “Тулпар Моторс” заводунда чыгарылган 25 жаңы унааны алып, автопаркты бекемдеди. Бул тууралуу аталган кызматтын маалымат кызматы билдирди.

Техниканы тапшыруу аземи юстиция министри А.Баетовдун катышуусунда өттү.

“Бул биздин кызматты модернизациялоодогу олуттуу кадам. Жаңы автомобилдер иштин ыкчамдыгын жана натыйжалуулугун жогорулатып, кызматкерлерди милдеттерин аткаруу үчүн керектүү каражаттар менен камсыз кылат”, -деп баса белгиледи А.Баетов.

Белгилей кетсек, ушул кезге чейин жаза аткаруу кызматынын авто паркы бир да жолу жаңыланган эмес. Буга чейин ЖАК мурда колдонулган эл аралык уюмдар жана башка мамлекеттик органдар тарабынан берилген, кызматтын муктаждыктарын толук канааттандыра албаган унааларды колдонгон.

Эми автопаркты жаңылоо үчүн “Тулпар Моторс” заводунан 25 автомашина сатып алынды:

23 Chevrolet Tracker авто унаасы;

1 Chevrolet Cobalt авто унаасы;

1 жүкташуучу Isuzu 5 тонна жүк көтөрүмдүүлүгү.

Ошондой эле тендер аркылуу сатып алынган:

1 Mercedes-Benz Sprinter 18 орундуу кичи автобус;

1 минивэн KIA Carnival.

Ишенимдүү жана заманбап техника ЖАКка иштөө шарттарын жакшыртууга, мобилдүүлүктү жана ар кандай кырдаалдарга жооп кайтаруунун ыкчамдыгын жогорулатууга мүмкүндүк берет.