39 Бардыгы /

Кечээ, 14-октябрь күнү Кыргызстанда 45 жаңы объект ачылып, пайдаланууга берилди.

Облус башчысы Тилек Текебаев Арстанбап-Ата айылындагы 100 орундуу бала бакчанын ачылышына катышты. Ошондой эле  жаңы объектилердин ачылыш аземине Министрлер Кабинетинин Төрагасы Акылбек Жапаров онлайн катышты.

Анын алкагында Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Базар-Коргон районунун Арстанбап-Ата айылындагы №50 мектепке чейинки билим берүү уюмунун ачылышына катышты. 100 орундуу бала бакчанын курулушу республикалык бюджеттен каржыланып, 47 млн 261 миң сом акча каражаты жумшалган.

Имарат толук заманбап шарттар менен камсыздалган. Облус башчысы айыл жашоочуларын куттуктап, аталган жайда балдар тарбия көрүп, билим алып, келечекте коомдун үлгүлүү мүчөлөрү болуп өсүп чыгаарына ишеним артты.

Бүгүн онлайн ачылыштын алкагында Ноокен районунун Жазгак айылындагы № 34 Жазгак жалпы билим берүүчү мектебинин спорт залы да пайдаланууга берилди.