9 Бардыгы /

Кыргызстандын Түштүк башкалаасында жаңы жана заманбап таштанды полигонунун курулушу башталды. Бул туурасында муниципалитеттен билдиришти.

Кун мурун Ош шаарынын мэри Бакытбек Жетигенов «Ош-Тазалык» атайын адистештирилген муниципалдык ишканасы тарабынан эски таштанды полигонун калыбына келтирүү жана жаңы полигонду куруу иштеринин башталышы менен жеринде таанышты. Шаар башчысы мында жүргүзүлүп жаткан иштердин шаар үчүн абдан маанилүү экендигин баса белгилеп, курула баштаган жаңы санитардык полигон бардык зарыл эл аралык талаптарга жооп берээрин кошумчалады.

Белгилей кетчүү жагдай: Ош шшаарында таштандщы полигонун куруу иштери Европа реконструкциялоо жана өнүктүрүү Банкынын жана Европа Биримдигинин колдоосу аркасында «Ош шаарында таштандыларды чогултуу жана иргөө системасын жакшыртуу» долбоорунун алкагында жүзөгө ашырылууда.

Алишер ТОКСОНБАЕВ, өз кабарчы