15 Бардыгы /

Ош шаарында Кара-Кыргыз автономиялуу облусунун 100 жылдыгынын урматына «100 өнөр жай – 2024» иш-чарасына киргизилген «Келечек» ААКсынын эт азыктарын чыгаруучу цехи ачылып, ишке түшүрүлдү.

Маалыматка караганда, аталган ишкананын ачылыш аземине Ош шаарынын мэринин орун басары Замир Юсупов катышып, жаңы заманбап ишкана эң жогорку сапаттагы эт азыктарын чыгарып, Ош шаарынын тургундарын жаңы жумуш орундары менен камсыздай турганын убадалады. Ал эми ишкананын жетекчилиги тарабынан конокторго өндүрүштүн этаптары жөнүндө кыскача түшүнүк берилип, даяр продукцияны чыгаруучу жабдуулар көрсөтүлдү.

        Белгилей кетчүү жагдай: Дүйнөлүк банк тарабынан каржыланган «Ош шаары жана Ош облусун регионалдык өнүктүрүү» долбоорунун алкагында курулган ишканада 60 жумуш орундары түзүлүүдө.

Алишер ТОКСОНБАЕВ, өз кабарчы