3 Бардыгы /

Кыргыз Республикасынын президенти – Куралдуу күчтөрүнүн башкы колбашчысы Садыр Жапаров бүгүн, 27-декабрда, Ош облусуна жасаган ижумуш сапарынын алкагында Ош шаарындагы үч аскер бөлүгүнө Күжүрмөн Тууларды тапшырды.

Мамлекет башчысы Садыр Жапаров өз сөзүндө Баткен облусунда 2,5 миллиард сомдук заманбап аскердик шаарчалардын, турак үйлөрдүн жана бала бакчалардын курулушу аяктап жатканын белгилеп, бул иш-чаралар аскер кызматкерлери үчүн шарттарды жакшыртууга багытталганын баса көрсөттү.  Мурас айылындагы №35524 аскер бөлүгүнүн курулушу аяктап калды, ошондой эле Рават айылындагы № 12545 аскер бөлүгүндө иштер уланууда.  Мындан тышкары Бужум айылында № 52870 аскер бөлүгүндө аскер кызматкерлеринин үй-бүлөлөрү үчүн алардын социалдык-турмуштук шарттарын жакшыртуу максатында 60 батирлүү турак жай салынып жатат.

Президент Садыр Жапаров Ош шаарындагы №12861-аскер бөлүгүндө баасы 47 миллион 863 миң сомдук аскер техникаларын оңдоо жана тейлөө базасы ачылгандыгын сүйүнчүлөдү. Мамлекет башчысы бул база аскердик техниканы өз алдынча оңдоого, калыбына келтирүүгө жана күжүрмөн даярдыкта кармоого, ошондой эле квалификациялуу адистерди даярдоого мүмкүндүк берерин баса белгиледи. Буга чейин мындай иштер кыйынчылыктарды жаратчу, эми аларды толугу менен өз алдынча жасоого болот. Мамлекет башчысы заманбап аскердик технологияларды, анын ичинде учурдун талабына жооп берген учкучсуз учуучу жабдууларды чогултууну жолго коюу пландары туурасынжда дагы баян этти. Ал үстүбүздөгү жылдын 1-октябрынан тартып Куралдуу күчтөрдүн ардагерлеринин пенсиясы жогорулатылганын канааттануу менен белгиледи.

Президент Садыр Жапаров аскер кызматкерлерине кайрылып, бүгүн салтаанатуту түрдө тапшырылган Күжүрмөн Тууларды ыйык сактоого чакырып, алар Ата Мекенге ак ниет кызмат өтөшүнө ишеним артып, өлкөнүн чек арасында тынчтык, элибизде бакубатчылык болушун каалады. Аталган иш-чаранын соңунда президент Садыр Жапаров аскердик бөлүктүн ал-акыбалы менен таанышты.

Алишер ТОКСОНБАЕВ, өз кабарчы