21 Бардыгы /

Ош шаарынын мэриясы үстүбүздөгү жылдын 20-январынан тартып Алишер Навои көчөсүндө учурда иштеп жаткан борбордук базар биротоло жабыла тургандыгын акыркы ирет эскертет.

Кыргызстандын Түштүк башкалаасынын жетекчилиги соодагерлерден белгиленген мөөнөткө чейин Бекмамат Осмонов атындагы көчөдө жайланышкан жаңы муниципалдык борбордук базарга токтоосуз түрдө көчүп чыгууну өтүнөт. Анткени, аталган убакыттан тартып эски базарда электр энергиясы, таза суу жана башка коммуналдык тейлөөлөр таптакыр токтотулат.

Акыркы маалыматкан таянсак, ушул тапта эски жана тарыхый базардын ордуна эс алуу багын куруу долбоору даярдалууда. Ага чейин курулуштарды жана соода түйүндөрдү алып салуу, көчүрүү, санитардык тазалоо иштери жүргүзүлүп, андан  ары долбоорду жүзөгө ашырууга кызуу даярдыктар көрүлөт.

Алишер ТОКСОНБАЕВ, өз кабарчы