42 Бардыгы /

Жол кыймылынын коопсуздугун камсыздоо башкы башкармалыгынын атайын ротасы тарабынан дем алыш күндүн соңунда Бишкек жана Чүй облусунун аймагында атайын рейд өткөрүлүп, бир сутка ичинде 32 мас абалында унаа башкарган айдоочулар кармалды.

ЖКККББнын басма сөз кызматы билдиргендей, алардын ичинде айым айдоочулар да бар. Кармалган унаалардын баары айып короо жайына токтотулуп, айдоочулардын тийиштүү докумменттери айдоо укукуганан ажыратуу үчүн сотко даярдалууда.
Жол кыймылынын коопсуздугун камсыздоо башкы башкармалыгы “Рулда” аталышында рейд өткөрөөрүн белгилеп, рейддик иш-чара айдын аягына чейин уланаарын эскертет.
Рейд учурунда ичип алып унаа башкаргандарга жана жасалма жалган мамлекеттик номур тагып айдагандарга өзгөчө көңүл бурулат. Рейддик иш-чарага массалык маалымат каржаттарынын өкүлдөрү катышып, мас абалында унаа башкарган айдоочулардын жүздөрү башкаларга эскертүү болуу иретинде коомчулукка ачык көрсөтүлөт.