57 Бардыгы /

Баткен облусуна караштуу Кадамжай районундагы Үч-Коргон жалпы дарыгерлик практика борборунда акыркы үлгүдөгү лапароскопиялык аппараттын жардамы аркасында гана бейтаптарга операция жасала баштады.

Президенттин Баткен облусундагы Өкүлчүлүгүнөн маалымдашкандай, заманбап медициналык жабдык Жапониянын Кыргызстандагы Элчилиги тарабынан 89 667 АКШ долларына сатылып алынды. Жаш дарыгер Абдыкалык Маматовдун айтымында, лапароскопиялык аппарат менен акыркы алты айда 60дан ашуун операция ийгиликтүү жасалды.

Баса, медицина кызматкерлери баса белгилешкендей, аталган лапароскопиялык жабдык бейтаптын денесин кеспей туруп, ички органдарына кичинекей тешик аркылуу гана оптикалык жабдыктын жардамы аркасында операция жасоого мүмкүндүк жаратып олтурат. Бул өз кезегинде бейтаптын тез калыбына келишине дагы өбөлгө түзөт.

Алишер ТОКСОНБАЕВ, өз кабарчы