39 Бардыгы /

Жогорку Кеңештин депутаты Ырысбек Атажанов: «Баткен облусун өнүктүрүүгө мамлекеттик казыныдан бөлүнгөн каражаттар өз максатына гана жумшалбай жатат, – деп Парламенттин бүгүнкү жыйынында шардана кылды.

Эл өкүлүнүн айтымында, каражат бөлүнгөндөн бери бир дагы ишкана ийгиликтүү иштеген эмес!

– Былтыр мен экс-премьер-минситр Акылбек Жапаровдон 500 миллион сом сураганымда, эгерде бул акчаны жергиликтүү жетекчилер өздөштүрө албаса, алар жоопкерчиликке тартылаарын катуу айткан эле. Тилекке каршы, бул акчалар дээрлик өз максатына жумшалбай жатат. Батенде бир дагы ишкана ишке киришип, же жемишин берген жок. Акча бөлүнөт, бирок, ал жерде башаламандык гана болуп жатат. Министрлер кабинетинин башчысы ошондой эле комиссия жиберип, иштин жыйынтыгы боюнча маалымат берээрин билдирген. Ошол комиссия кандай жыйынтыкка келди? — деп маселени кабыргасынан койду Жогорку Кеңештин депутаты Ырысбек Атажанов.

Белгилей кетчүү жагдай: «Баткен шаарынын макамы  жөнүндө» мыйзамга ылайык, 2022-жылдан баштап Баткен облусун өнүктүрүүгө жыл сайын кошумча 500 миллион сом бөлүнүп келатат.

Алишер ТОКСОНБАЕВ, өз кабарчы