3 Бардыгы /

Коңшулаш эки элдин достук алакасын мындан ары бекемдөө жана туризмди ого бетер өнүктүрүү максатында 30 жыл мурун таптакыр токтоп калган узундугу 170 чакырымга созулган Ош-Наманган-Касансай автоуна каттамы кайрадан жандандырылды.

Ош аймактык автоунаа департаментинин жетекчисинин орун басары Алманбет Эркебаев кабарчыбызга билдиргендей, аталган каттам “Достук” чек ара бекети аркылуу Өзбекстанга өтүп, андан ары коңшу мамлекеттин Касансай районуна дейре барат. Ал жерден Кыргыз-Өзбек чек арасындагы “Баймак” көзөмөл бекети аркылуу Жалал-Абаддын Ала-Бука районуна дагы өтөт.

• Биз кошуна Өзбекстан мамлекети менен канча жылдан бери

токтоп калган автоунаа каттамын кайрадан жаңыладык. Негизи Союз мезгилинде бул каттам бар эле. Эми каттамды кайрадан жаңылап, эки элдин достугун мындан ары дагы чыңдоого көмөк көрсөтүп жатабыз. Каттамдын схемалары эки тараптуу негизде Өзбекстан тарап менен биз тараптын фирмалар аркылуу биржаңсыл чечилди. Бардыгы төрт каттам болот. Өзбекстан тараптан эки, Кыргызстан тараптан эки каттам, – деп кошумчалады Ош аймактык автоунаа департаментинин жетекчисинин орун басары Алманбет Эркебаев.

• Жалал-Абад облусунун Ала-Бука жана Чаткал райондорунун

калкына, ошондой эле Өзбекстандын Наманган облусу үчүн дагы аталган автоунаа каттамынын ачылышы абдан ыңгайлуу болду. Жол акысы тууралуу айтсак, Оштон Касансайга чейин – 450 сом, ал эми Наманганга дейре – 320 сом”, – деп кошумчалады аталган автоунаа каттамын уюштурган жана дагы жүргүзгөн транспорттук компаниянын жетекчиси Мырзамат Чыңгараев.

Белгилей кетчүү жаагдай: Ош-Наманган-Касансай автоуна каттамынын кайрадан жандандырылышы эң ириде жүргүнчүлөрдү жол азабынан биротоло арылтты. Мисалы, ушул букакка дейре Оштон Жалал-Абаддын Ала-Бука районуна барчулар 8-9 саат жол жүрүп келишкен. Эми жаңы каттам ачылганы 3,5 саатта эле белгиленген дарекке жетип барышат. Кошумчалай кетээрибиз: Ош-Наманган-Касансай автоунаа каттамы аркылуу сапарга чыккандар чек ара бекеттеринде да көпкө кармалбайт, алар үчүн “жашыл коридор” иштейт.

Алишер ТОКСОНБАЕВ, өз кабарчы