42 Бардыгы /

          Ош облусунун Өзгөндө жайланышкан балык чарбасында заманбап карп балык улугун инкубациялоочу цехтин пайдубалына капсула салуу аземи өткөрүлдү. Ошентип, Суу ресурстары, айыл чарба жана кайра иштетүү өнөр жайы министрлигинин маалыматы боюнча, инкубациялоочу жайдын курулушу толугу менен Түркиянын Маданият жана туризм министрлигине караштуу Түрк кызматташтык жана координация агенттиги тарабынан каржыланат.

Жаш балыктарды көбөйтүүнүн заманбап технологиялары жогорку сапаттагы товардык балыктарды өндүрүүнүн көлөмүн дагы бир топ жогорулатат. Ишкана республиканын Түштүк жергесиндщеги суу биологиялык ресурстарын көбөйтүүгө жана сактоого салым кошот жана азык-түлүк коопсуздугун камсыз кылат.

Баса, Өзгөндөгү инкубациялык ишкананын максаты – келечекте балык жана суу биоресурстарын өндүрүүнү ого бетер көбөйтүү, бул балык өнөр жайын туруктуу өнүктүрүүгө, ошондой эле Кыргызстандын түштүгүндө гана эмес, башка аймактарда да балыкка болгон суроо-талапты канааттандырууга жөндөмдүү туруктуу жана жогорку өндүрүмдүү балык чарбаларын түзүү.

Алишер ТОКСОНБАЕВ, өз кабарчы