3 Бардыгы /

Кыргызстандын Түштүк башкалаасындагы Насирдин Исанов көчөсүндө жайланышкан университеттердин тротуардагы тосмолору катарынан буздурула баштады. Бул туурасында мэриянын басма сөз кызматынан билдиришти.

Маалыматка караганда, бул жайларга мындан ары бир катар унаа батчуудай кошумча жол, тротуарлар курулуп, аны менен бирге жашыл аймактар түзүлүп, ирригациялык тармактар дагы орнотулат. Муниципалитет мындай иш-чаралар жарандардын жолду кеңейтүү жана уруксатсыз унаа токтотуучу жайларга каршы күрөшүү боюнча көптөгөн кайрылууларынан кийин башталгандыгын баса белгиледи.

Эске салчуу жагдай: буга чейин түштүк борбордун мэри Жеңишбек Токторбаев дагы ЖОЖдордун ректорлору менен жолугушуп, жолду кеңейтүү үчүн жогорку окуу жайлардын тосмолорун 10 метр артка жылдырууну катуу талап кылган.

Алишер ТОКСОНБАЕВ, өз кабарчы