21 Бардыгы /

“Соңку күндөрү Кыргызстандын түштүк облустарында аба ырайынын шарттарына жана газды керектөөнүн өсүшүнө байланыштуу магистралдык газ өткөргүчтөрүндө басымдын төмөндөшү байкалууда.

Жалал-Абаддын керектөөчүлөрү үчүн жаратылыш газынын тартыштыгынын негизги себеби болуп Өзбекстан кендеринин ресурстук базасынын төмөндөшү каралууда. Акыркы жылдардагы тажрыйба көрсөткөндөй, жылдын суук мезгилинде орточо суткалык температура төмөндөгөн учурда Фергана өрөөнүндө газды керектөө кескин жогорулайт. Жалал-Абад облустундагы керектөөчүлөрү газ куурларынын акыркы, туюк түйүнүндө жайгашканын эске алсак, бардык категориядагы керектөөчүлөрдү жаратылыш газы менен камсыз кылуу үчүн басымдын жетишсиздиги байкалууда.

«Жалалабатгаз» келтирилген ыңгайсыздыктар үчүн кечирим сурап, тышкы ташуучу жана өзбекстандык кесиптештер менен ташып жеткирүүнү камсыздоо жаатында активдүү иштерди улантып, кырдаалды күнү-түнү көзөмөлдөп жаткандыгын билдирет.”

Жалал-Абад шаардык мэриясынын маалымат борбору