30 Бардыгы /

Бүгүн жаңы аким Максатбек Саргазаковду Кыргыз Республикасынын Президентинин Жалал-Абад облусундагы ыйгарым укуктуу өкүлүнүн биринчи орун басары Нурлан Эрматов район активине тааныштырды.

Кыргыз Республикасынын Президенти Садыр Жапаров кол койгон тескемеге ылайык, Кыргыз Республикасынын Конституциясынын 70-беренесинин 1-бөлүгүнүн 6-пунктуна, 71-беренесине, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 8-беренесине ылайык Саргазаков Максатбек Таштанбекович Жалал-Абад облусунун Аксы районунун мамлекеттик администрациясынын башчысы – аким болуп дайындалган.

Облус башчысынын биринчи орун басары район акиминин ишине ийгиликтерди каалап, Аксы райоунун ар тараптуу өнүгүүсүнө жигердүү салым кошууга чакырды.

Максатбек Саргазаков буга чейин Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин директорунун орун басары кызматын аркалап келе жаткан.

Эске салсак, Аксы районун буга чейин Замирбек Сыдыков жетектеп келген.