30 Бардыгы /

Аксы районунун мектептеринде сабак башталгандан бери райондук жол коопсуздугу кызматынын кызматкерлери таң эртең мененден трассага жакын мектептерге келип балдардын жолдон өтүп алуусуна камкордук көрүп, сабак толук башталганча көзөмөл жүргүзүп келишет.

Мындай кызмат мектеп окуучуларына өтө ыйңгайлуу болсо, ата- энелер үчүн да жакшы болуп, камсанабай жумуштарын аткара берүүгө шарт жаратты деп айтууга толук негиз бар.

Район боюнча 65 мектеп болсо, алардын дээрлик баары көзөмөлгө алынган. Бул ишке участкалык бөлүмдөрдөгү ички иштер кызматкерлери да тартылышкан.  Окуучулар үчүн мындай шарт коопсуздуктун да алдын алууда. Мектепке жакын жолдорго “окуучу өтөт “, “сак бол”,  “бул жерде мектеп бар” деген белгилер коюлган  болсо да ага карабай катуу ылдамдык менен өткөн 26  айдоочуга протокол толтурулуп, 26 миң сом айып салынган. Баланын өмүрү баарынан кымбат дешет жол коопсуздугу кызматынын кызматкерлери.

Абдымомун КАЛБАЕВ, Аксы району