Аймак

ЖЕҢИШБЕК ТОКТОРБАЕВ: «КЫЗЫЛ СЫЗЫКТАН ЧЫККАН КУРУЛУШТАР БУЗУЛАТ!»

ЖЕҢИШБЕК ТОКТОРБАЕВ: «КЫЗЫЛ СЫЗЫКТАН ЧЫККАН КУРУЛУШТАР БУЗУЛАТ!»

 3 Бардыгы /

Соңку сааттарда Кыргызстандын Түштүк башкалаасынын мэри Жеңишбек Токторбаев Оштогу Камбаралы Бобулов, Өзгөн, Навои, Кара-Суу жана Жолдошбек Раимбеков көчөлөрүн катарынан кыдырып, тыкыр текшерүү жүргүздү.

Калаа  башчысы Жеңишбек Токторбаев адегенде жогорудагы көчөлөрдүн ал-акыбалы менен кеңири таанышып чыкты. Ушундан соң гана аларды чукул арада иретке келтирүү, кызыл сызыктан чыккан мыйзамсыз курулуштарды таптакыр алып салуу, тротуарларды тосулган тосмолордон бошотуу боюнча тиешелүү кызматтарга катуу тапшырма берди. Ошондой эле жолду ого бетер кеңейтүү жана жаңы жашыл аймактарды түзүү боюнча ар тараптуу иштерди алып барууну дагы тапшырды.

Ош шаарынын мэри Жеңишбек Токторбаев кызматына киришкенден бери калааны чекесинен кыдырып, ар кандай көрсөтмөлөрдү берип келатат. Бирок, мунун оңчулукуту натыйжасын азырынча көрө элекпиз…

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17