Аймак

АКСЫ ОКУЯСЫНДА КУРМАН БОЛГОН ЖАРАНДАР ЭСКЕРИЛДИ

АКСЫ ОКУЯСЫНДА КУРМАН БОЛГОН ЖАРАНДАР ЭСКЕРИЛДИ

 3 Бардыгы /

Бүгүн, 17-март күнү Аксы районунун Кербен шаарынын Боспиек айылында жайгашкан “Шейит мазарда” 2002-жылы орун алган коогалаңда каза болгон жарандар эскерилди.

Ага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, Аксы районунун акими Максат Саргазаков, жергиликтүү тургундар, окуяда жабыркагандар жана каза болгон жарандардын жакындары катышты.

Эскерүү иш-чарасында сөз сүйлөгөн облус башчысы Тилек Текебаев, президенттин жана жеке өзүнүн атынан каза болгондордун жакындарына көңүл айтты. Аксы окуясы өлкөнүн демократиялык өнүгүү жолунда адилетсиздикке каршы жалпы элдик көтөрүлүштүн башаты катары бааланарын белгиледи.

Ал ошондой эле, элдик толкундоо – авторитардык режимге жана келечекке кайдыгер карабаган аксылыктардын чыныгы каармандыгы экенине токтолуп, мамлекетке тынчтык жана гүлөп, өнүгүү каалады.

Эскерүү иш-чарасынын жүрүшүндө маркумдардын элесине арналып орнотулган эстеликке гүл коюлуп, куран окулду.

Белгилей кетсек, 2002-жылдын 16-17-март күндөрү орун алган Аксыдагы коогалаңда 6 киши окко учуп, 20дан ашуун жаран жараат алган.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17