15 Бардыгы /

Баткен облусуна караштуу Сүлүктү шаарында 42 үй-бүлө жер көчкү коркунучу бар, ал эми сел коооптуулугу жогору аймакта дагыле 2 үй-бүлө жашап жатат. Бул туурасында Өзгөчө кырдаалдар министрлигинен билдиришти.

Маалыматка караганда, жаз мезгилинин келиши жана күтүлүп жаткан жаан-чачынга байланыштуу сел жана суу ташкындары, ошондой эле жер көчкүсү активдешүүсү толук ыктымал. Ушундан улам Өзгөчө кырдаалдар министрлигининӨзгөчө кырдаалдарга мониторинг жүргүзүү жана божомолдоо департаментинин корутундулары, ошондой эле сүлүктү шаардык Жарандык коргонуу комиссиясынын актыларынын негизинде Сүлүктү шаарындагы кооптуу деп табылган тилкелерде түшүндүрүү жараяны жүргүзүлдү.

Ошентип, жер көчкү жана сел жүрүү кооптуулугу бар деп табылган Мамбетов, Шахтерская, Макаевка жана Жураев көчөлөрүндө жалпысынан 42 кожолук дагыле жашап келатат. Алардын катарында өз ишмердүүлүгүн жүргүзүп келаткан көмүр өндүрүү шахталары дагы бар. Белгилей кетчүү жагдай: аталган тилкелерде жашап жатышкан айрым тургундар мамлекет арабынан ссуда алышканы менен, тилекке каршы, буларга турак жай курууга жер тилкеси берилген эмес!

Алишер ТОКСОНБАЕВ, өз кабарчы