3 Бардыгы /

Ош облусунун Өзгөн районуна караштуу Баш-Дөбө айыл өкмөтүнүн аймагында 50 орунга ылайыкташкан муниципалдык мейманкана курулуп жатат.

Президенттин Ош облусундагы Өкүлчүлүгүнөн билдиришкендей, Жогорку Кеңештин төрагасы Нурланбек Тургунбек уулу облус башчысы Элчибек Жантаев жана депутаттар менен биргеликте аталган имараттын курлуш иштери менен жеринде таанышты. Өзгөн районуну акими Каныбек Апбасов мейманканада түзүлүүчү шарттар жана долбоор туурасында кеңири  маалымат берди.

Өзгөн районундагы бул муниципалдык мейманкананы имараты мурун клуб сыңары иштетилип, узак мөөнөткө ижарага берилген. Өткөн жылы айыл өкмөткө кайтарылып, багыты өзгөртүлүп, мейманкана катары капиталдык оңдоп-түзөөдөн өтүп жатат. 50 орунга ылайыкталган мейманканын курулуш иштери дээрлик 70 пайыз аяктап калды. Курулушка каражат облустук өнүктүрүү фондунан жана жергиликтүү бюджеттен каралган. Мейманкана ишке киргилизилсе, аймакта жумуш орундар жана ар тараптан келген туристтерге мыкты шарттар дагы жаратылат.

Алишер ТОКСОНБАЕВ, өз кабарчы