48 Бардыгы /

Кечээ, 19-март күнү Жалал-Абад шаарындагы №7 Алым Усман атындагы орто билим берүүчү мектепбинде энелер жана ымыркайлардын өлүмүнүн алдын алуу, азайтуу, эрте никеге туруулардын алдын алуу боюнча “Баланын жакшысы, ата-эненин бактысы” аталышындагы жыйын болуп өттү.

Жалал-Абад шаардык мэриясынын маалымат борбору билдиргендей, иш-чарага Жалал-Абад шаарынын мэринин орун басары Гүлбарчын Таштанбекова, Жалал-Абад облустук үй-бүлөлүк медицина борборунун директорунун энелер жана балдар иштери боюнча орун басары Кадича Пратова, дарыгерлер жана ШИИБдин кызматкерлери, аймактык башкаруулардын башчылары катышты.

Гүлбарчын Таштанбекова кош бойлуу аяларды убагында үй-бүлөлүк дарыгерлер тобуна кайрылып, алардын көзөмөлүндө болууга чакырды. Ошондой эле, өспүрүмдөрдүн таалим-тарбиясына олуттуу көңүл буруу зарылдыгын белгилеп, эрте никеге туруулардын алдын алуу зарылдыгын кошумчалады.

Жыйын учурунда тиешелүү адистер тарабынан эмдөөнүн зарылчылыгы, эрте турмуш куруунун кесепеттери, аз кандуулуктун натыйжасы кандай ооруларга алып келээри боюнча ата-энелерге толук маалыматтар берилди.

Белгилей кетсек, мындай жолугушуулар шаардагы бардык муниципалдык аймактык башкармалыктарда жана башкарууларда бекитилген график боюнча өткөрүлмөкчү.