15 Бардыгы /

Бүгүн, 21-мартта Базар-Коргон районунун Кеңеш айыл аймагына караштуу 1-Май айылында жаз айынын, жаңы башталыштын жана биримдиктин символу болгон Нооруз майрамы салтанаттуу белгиленди.Иш-чарага Базар-Коргон райондук мамлекеттик администрациясынын башчысы-акимдин убактылуу милдетин аткаруучу Д.Т. Малабеков, аксакалдар кеңешинин А. Тойчиев, Кеңеш айыл өкмөтүнүн башчысы Э.Н. Турдукулов, райондук мекеме-ишканлардын жетекчилери жана кызматкерлери, райондун, айыл аймактын тургундары катышты.Майрамдык иш-чарада Базар-Коргон районунун башчысы-акимдин убактылуу милдетин аткаруучу Д.Т. Малабеков Нооруз майрамы менен райондун тургундарын куттуктады. Өз куттуктоосунда Нооруз-бул жаңылануунун, биримдиктин жана үмүттүн символу экенин баса белгилеп, бул майрам ар бир үй-бүлөгө тынчтык, токчулук, бакубатчылык жана өнүгүү болсун! – деп өттү.Жергиликтүү өз алдынча башкаруу органы жана райондук мекеме-уюмдар тарабынан кол-өнөрчүлүк жана улуттук тамак-аш боюнча көргөзмөлөр уюштурулду.Иш-чаранын алкагында Базар-Коргон райондук маданият үйүнүн кызматкерлери тарабынан сахналаштырылган сценка жана концерттик программалар тартууланды.Ошондой эле спорттун улуттук түрлөрү ордо, кол күрөш, аркан тартыш, тогуз коргоол жана волейбол, футбол оюндары боюнча мелдештер өткөрүлүп, жеңүүчүлөргө диплом акчалай сыйлыктар тапшырылды.