3 Бардыгы /

Кыргызстандын Т үшт үк башкалаасынын тургундары  үч үн быйылкы Нооруз өзгөчө шартта гана майрамдалды. Анткени, бул жолку иш-чарага өлкө жетекчиси Садыр Жапаров өз ү жубайы менен катышып, ж үрөг ү Мекен деп соккон мекендештерин бүгүнкү Нооруз майрамы менен чын ыкластан куттуктап, жамы журтуна молчулук, ыйман-ынсап, акыл-парасат, ырыскы жана береке дагы тиледи.

Адегенде президент Садыр Жапаров Оштогу Нооруз майрамында: «Биздин күчүбүз – улуттук баалуулуктарыбыз менен урагыс биримдигибизде» деп кашкайган чындыкты моюндады.

– Кадырлуу калайык-калк! Кымбаттуу мекендештер! Элибизде «Пейил оңолмоюн – иш оңолбойт!» деп айтылган кеп бар. Күн менен түн теңелип, жан бүткөндүн баары жаңыланууга бет алган учурду туюнткан Нооруз майрамы менен кошо аң-сезимибиз өзгөрүп, демибиз жаңырсын, дүйнөлүк бийиктиктерге умтулалы! Ар бир үй-бүлөдөн тартып мамлекетибизге чейин ушу жылга койгон ой-максаттарыбыздын, иш-пландарыбыздын өтөөсүнө чыгалы! Ак эмгек, ар-намыс жана жаратман иш менен Кыргызстаныбызды өнүктүрүүгө салым кошолу?!? Анткени, биздин күчүбүз – улуттук баалуулуктарыбыз менен урагыс биримдигибизде! Ошондуктан, көп этностуу өлкөбүздөн ынтымак, достук, ырыскы-кут кетпесин! Урматтуу кыргызстандыктар, улустун улуу күнүндө айтылган тилектердин баары орундалсын, кабыл болсун! Нооруз майрамыңыздар кут болсун! – деди Кыргыз Республикасынын президенти Садыр Жапаров агынан жарылып.

Мамахан РАХМАТОВ, Ош шаарынын тургуну:

– Акыркы жылдарда президенттер Ош шаарына дээрлик каттабай эле калышкан. Өлкө жетекчибиз Садыр Жапаровдун келиши менен бир катар жүйөөлүү маселелер жеринде жайгарылып, Ош шаарынын ар тараптуу өнүгүшүнө дагы өбөлгө түзүлөт деп эсептейимн!

Бир туугандар Абдырахман жана Мирбек МАТИСМАНОВДОР: – Эй, кыргыз боордошторубуз! Башыңардан эзели калпак т үшпөс үн! Дайыма мекенчил болуңуздар?

Бүркүтбек ОСМОНКУЛОВ, Ош облусуна караштуу Өзгөн районунун тургуну:

– Мен алыскы жана бийик тоолуу Кара-Шоро аймагынанмын. Элетте аары багып, бал өнд үрөм. Келгиле, даам сызгыла? Мен эли-журтума тынччылык жана бакты-таалай каалаймын! Нооруз майрамынын урматына Ош шаарында Ош облусунун айыл чарба жармаңкесин уюштургандарга дагы мен терең ыраазымын!

Бүсаада ЗАРИПБЕКОВА, эмгек ардагери:

– Кичинекей Кыргызстанабыз ыкчам өнүгүп, бакыбат мамлекеттердин катарына тезирээк кошулсун! Көз тийбесин. Муну  үч үн өлкөб үздө жаратылыш жана адам ресрустары дээрлик жетиштүү…

Фарида АНАРБАЕВА, «Ак элечек» коомдук уюмунун мүчөсү: –

Борбордук аянтка моминтип эки неберемди ээрчитип чыктым. Булар – биздин болочогубуз! Президентин көр үп коюшсун! Эли-журтума барчылык жана токчулук тилеймин!

Жамбыл КАМЧЫЕВ, куудул:

-Алишер, мен дагы такыр башмын да. Анымды көрсөтсөм, Ленинге куюп койгондой окшошмун! Күлүп атып  жыгылып каласыңар… Ошондуктан, таз башымды элге көрсөтпөй эле коеюнчу… Ошону  үчүн бүгүн моминтип борбордук аянтка калпак гана кийип чыктым. Дайым сак-саламат ж үрг үлө, кыргыз калкым! Ылайым дайым ж үз үңөрдөн к үлк ү кетпесин! Баса, м үмк үнч үл үктөн пайдаланып айтып коеюнчу? Маданий очоктордун баарын эле Бишкекке тыга бербестен, Ош шаарында деле Жаш көр ү үч үлөр театрын, куурчак театрын, ошондой эле киностудия ачышсын? Ошондо гана регионализм деген балакет толук бойдон жоюлуп, биз теңтайлашып гана өнүгөбүз!

Ошентип, президент Садыр Жапаров катышкан Ош шаарынын борбордук аянтындагы Нооруз майрамы адегенде «Жаңы Кыргызстан» тасмасын көрсөтүү менен башталып, андан соң майрамдын мааниси-шааниси, табият менен адамдын ортосундагы шайкештиктин маанилүүлүгү, ошондой эле жаңылануу жана кайра жаралуу жөнүндө театралдаштырылган оюн-зоок дагы коюлду.

Чындыгында, табияттын төрт мезгили ырааты менен өз ара алмашып, Мекенибизде ушул тапта жаздын деми ойгонгон учур. Илгертен эле табият менен таттуу мамиледе жашап келген элибиз бир күнү жылга тете болгон жаздын келишин чыдамсыздык менен гана күтүшкөн. Ата-бабаларыбыз жаңылануунун башаты катары жаздын келишине өзгөчө маани берип, көптөгөн чыгыш элдери менен катар жаз майрамы – Ноорузду татыктуу жана  үзг үлт үкс үз белгилеп келишкен. Бул күнү кары дебей, жаш дебей кош өгүз менен буурсун тартып, жер бетине бороз салып бараткан дыйкандын артынан ээрчий, этектериндеги буудайды кочуштап чачып, эртеңкисине кам көрүшкөн. Күн менен түн теңелген Нооруз күнү эл журттун амандыгын, мал-жандын эсендигин, тынчтыкты тилеп, ырыскынын, токчулуктун майрамы катары карап, берекелүү күздө мол түшүм берүүнү Жараткандан суранышкан. Ал эми Ош шаарынын үч миң жылдан ашуун тарыхы бар. Байыртадан Жер ортолук деңизди, Европаны, Жакынкы Чыгышты, Памир, Тибет, Кытай жана Индия менен байланыштырып турган Улуу Жибек Жолунун ири соода борбору катары таанылган Ош шаары – жалпы кыргызстандыктардын бирден бир сыймыгы!

Алишер ТОКСОНБАЕВ, өз кабарчы, Ош шаары