24 Бардыгы /

Президенттин Ош облусундагы өкүлү Элчибек Жантаев ТҮРКСОЙ эл аралык уюмунун медалы менен сыйлады. Аталган сыйлыкты Уюмдун башкы катчысы Султан Раев тапшырды. Жолугушууда эки тараптуу маданий кызматташтык маселелери дагы абдан кызуу талкууланды.

Ошондой эле үстүбүздөгү жылдын 28-30-майында Ош шаарында Кыргыздын залкар акыны Жолон Мамытовдун 85 жылдык маарекесин жана анын урматына «Биринчи түрк дүйнөсүнүн жаш акындарынын поэзия фестивалын» жогорку деңгээлде өткөрүү маселеси дагы сүйлөшүлдү.

ТҮРКСОЙ эл аралык уюмунун башкы катчысы Султан РаевОш облусунун жетекчиси Элчибек Жантаевди улуттук маданиятты, адабиятты жогору баалагандыгы үчүн терең ыраазычылыгын билдирди.

Ал эми Ош облусунун башчысы Элчибек Жантаев  ТҮРКСОЙ уюмунун башкы катчысы Султан Раев менен жолугушууну кубануу менен баса белгилеп, маданий иш-чараны өткөрүүгө ар тараптан колдоо көрсөтүүгө даяр экендигин шарданы кылды.

Алишер ТОКСОНБАЕВ, өз кабарчы