6 Бардыгы /

Кыргызстандын Түштүк башкаласынын борбордук аянтында Ош шаарынын мэриясынын коммуналдык чарба жана социалдык багытта иш алып барышкан ишканаларына жаңы жана заманбап атайын техникалар тапшырылды.

Техникаларды Ош шаарынын мэри Жеңишбек Токторбаев тапшырып жатып, демөөрчүлөргө аталган белектери үчүн терең ыраазычылыгын билдирди. Атайын техникалар «Оштогу көрктөндүрүү жана жашылдандыруу чарба комбинаты», «Ош-Тазалык», «Ош суу каналы», «Ош свет», «Маданият башкармалыгы», «УТРК-ОШ» ишканалары арасында өз ара бөлүштүрүлдү.

Баса, жаңы техникалардын арасында 2 жүк ташуучу «Shacman» унаасы, 2 суу ташуучу унаа, 1 көчө жуучу унаа, 1 манипулятор жана 1 «Мерседес» үлгүсүндөгү спринтер менен 1 жеңил унаа бар. Булар аркылуу шаардагы ишканалар 60ка жакын атайын техникалар менен толукталды.

Алишер ТОКСОНБАЕВ, өз кабарчы