6 Бардыгы /

Бүгүн, 28-мартта Жалал-Абад облустук Барпы атындагы кыргыз драма театрында жаш өспүрүмдөрдүн кылмыштуулугун алдын алуу, зордук-зомбулук, аптекалык наркомания, синтетикалык баңгизаттардын зыяндуулугу боюнча мектеп окуучуларынын маалымдуулугун жогорулатуу максатында “Жаңы муун – жаркын келечек, таза муун – коопсуз келечек” аталышындагы жаштар форуму өттү.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, Жогорку Кеңештин депутаттары, Ички иштер министринин орун басары Октябрь Урмамбетов, жергиликтүү бийлик, дин, маданият жана спорт тармагынын өкүлдөрү, облус аймактарынан келген 450 окуучу катышты.

Жаштар форумунда окуучулар арасындагы терс көрүнүштөрдүн келип чыгуу себептери, кесепеттери жана алдын алуу чаралары боюнча сахна көрүнүшү тартууланып, адистер тарабынан кенен маалыматтар берилди.

Жыйынга катышкан белгилүү маданият өкүлдөрү, машыктыруучулар жана спортчулар жаштарды туура жолго чакырып, өздөрүнүн басып өткөн жолу, турмуштук тажрыйбалары менен бөлүштү.