33 Бардыгы /

Бир күн мурун Кыргызстандын Түштүк башкалаасынын мэри Жеңишбек Токторбаев Озгур айылында болгон таңкы рейд учурунда 13 жаштагы өспүрүмдү жолуктуруп, ага мал сатып алууга колдоо иретинде акча бөлүп берүүнү убада кылган.
Бүгүн, 2-апрелде Ош шаарынын мэри убада берген Бекбол Сулайманжановго 200 миң сом тапшырды. Бирок, акчаны мэрге Бекбол күздө эмес, эмики жазда кайтарып берерин айтып, мэр менен макулдашышты.
Бекбол атасы менен мэрге ыраазычылыктарын билдиришти.

Белгилей кетсек, Ош шаарынын мэри Жеңишбек Токторбаев таңкы рейдде жүрүп, алдынан жолуктурган балага: «Эмне, мал айдап келе жатасыңбы?» -деп суроо таштайт. Бала дагы азамат тура! Мал-кали жоктугуна даттанып, акыркы бир коюн сатып келаткандыгын муңканып айта салат. Анда Ош шаарынын мэриЖеңишбек Токторбаев балага: «Атаң экөөң мага кел? Экөөңө 1 бодо малга жана 5 койго акча берем. Бирок, күзүндөсү менин акчамды кайтарып бересиңер! Муну бизнес деп коет. Уулум мен эми «крутой» эмесмин. Мал аласың, күзгө чейин акчаны айлантасың, күздө акчаны кайтарып бересиң. Сүт бере турган мал канча турат экенин билесиң жана 5 кой аласың»,— деп айткан мэр.

Алишер ТОКСОНБАЕВ, өз кабарчы