39 Бардыгы /

        Бишкек шаарында Кыргыз улуттук университетинин 100 жылдык мааракесине арналган «Жоогазын» жарнама жана PR улуттук  фестивалы өткөрүлдү. Анда жарнама жана PR ишмердүүлүгү боюнча дебат дагы кошо өткөрүлүп, таймашууда Ош мамлекеттик уиниверситетинин командасы 1-орунду багындырды.

Аталган фестивалга Орусия, Казакстан, Өзбекстан жана Түркиянын жогорку окуу жайларынан жалпы 15 команда катышты. Ал эми ОшМУнун кызыкчылыгын журналистика кафедрасынын студенттери окутуучусу Гулзина Аматованын жетекчилигинде коргошту.

– Илимий-практикалык конференцияда студенттерибиз мыкты баяндама жасашып, биринчи жана үчүнчү даражадагы дипломдорго ээ болушту. Жыл сайын уюштурулган фестивалда студенттерибиз дал ишинтип мыкты ийгилик жаратып келатат, – деди ОшМУнун журналистика кафедрасынын окутуучусу Гулзина Аматова.

«Жоогазын» фестивалы 2017-жылдан тартып Кыргыз улуттук университети тарабынан уюштурулуп келатат. Бул иш-чаранын башкы максаты – жарнама жана PR тармагында билим алып жатышкан студенттерди иш берүүчүлөр менен байланыштыруу жана теориялык билимин практика жүзүндө жүзөгө ашыруу.       

Алишер ТОКСОНБАЕВ, өз кабарчы