30 Бардыгы /

Жыйынга Кыргыз Республикасынын Президентинин Жалал-Абад облусундагы ыйгарым укуктуу өкүлүнүн биринчи орун басары Нурлан Эрматов, Кыргыз Республикасынын Финансы министрлигине караштуу Сатып алуулар борборунун директору Сагынбек Кудаяров катышты.

Окутууда облус аймагындагы район, шаарлардын бюджеттик мекемелеринде сатып алуулар боюнча адистерге жана бухгалтерлерге “Сатып алуулар борбору” боюнча кенен маалыматтар берилди.

Кыргыз Республикасынын Министрлер Кабинетинин 2024-жылдын 16-январындагы № 8-тескемесине ылайык, Сатып алуулар борбору тарабынан алынуучу алты товардын тизмеси бекитилген. Ал аталган борбор тарабынан мекеме-ишканалардан берилген өтүнмөнүн негизинде сатып алынат.

Анын негизинде бүгүн Борборлоштурулган сатып алуунун натыйжалуулугу жана экономикалык эффективдүүлүгү, жүргүзүлүп жаткан иш-аракеттер, веб-портал, товарлардын аталыштарынын тизмеси, арыздарды туура берүү, өнүгүү перспективалары тууралуу айтылды.

Ошол эле учурда Кыргыз Республикасында борбордоштурулган сатып алуулардын ролу, ар бир сатып алууда бюджеттик каражаттарды пайдалануунун натыйжалуулугун жана сарамжалдуулугун уюштуруу зарылдыгы белгиленди.