45 Бардыгы /

Ала-Букалык жигит атасынын жылдыгына 400 миң сом топтогон эле. Бирок, мынча каражатты ал айылындагы эки кыштакты бириктерген көпүрөнү курууга толук бойдон сарптады.

Кыргыз Республикасынын Муфтиятынан билдиришкендей, Ала-Бука районуна караштуу Айры-Там кыштагынын атын атоодон баш тарткан тургуну атасынын жылдыгынын урматына заманбап үлгүдөгү көпүрө курдуртуп, ана соңку тапта пайдаланууга тапшырды. Анткени, азамат коңшулаш кыштактардын тургундарынын сообуна гана калып олтурат.

Жергиликтүү калктын айтымында, жамгыр жааган маалда дарыя күрпүлдөп көтөрүлүп, ал аркылуу ары-бери тынымсыз каттоо дээрлик азапка айланчуу. Айрыкча балдар жана чалдар өлө кыйналышчуу. Эми минтип жаңы көпүрө каттамды калыңдатып, карапайым калктын жашоосун кыйла эле жеңилдетти…

Алишер ТОКСОНБАЕВ, өз кабарчы