3 Бардыгы /

Жалал-Абадда “Мыкты өспүрүм – жаркын келечек” аталышындагы бир жумалык иш-чара өттү.

И-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, жергиликтүү бийлик, облустук укук коргоо жана күч түзүмдөрүнүн башчылары катышты.

Бир жумалык программанын алкагында Жалал-Абад шаарындагы мектептерден тандалган 60 окуучу облустук прокуратуранын, милициянын, соттун, тергөө изоляторунун жана жергиликтүү бийлик органдарынын ишмердүүлүгү менен таанышышты.

Облус башчысы Тилек Текебаев ар бир өспүрүм – бул мамлекеттин келечеги экенин айтып, окуучуларды убактылуу азгырыктарга алданып, терс жолго басуудан оолак болууга чакырды.

“Кылмыш –  бул кайгы, өкүнүч жана коркунучтуу кесепеттер. Адам бир эле жаңылыш кадам менен өз келечегин кыйышы мүмкүн. Ошондуктан, ар дайым ойлонуп иш кылгыла, туура досторду тандагыла, убактыңарды пайдалуу өткөргүлө. Биз, чоңдор, сиздерди колдоого, угууга жана жардам берүүгө даярбыз. Келгиле, билим алып, жакшы адис болуп, мекенибизге кызмат кылган азаматтардан бололу!“–деди ыйгарым укуктуу өкүл.