6 Бардыгы /

Жалал-Абад шаарынын мэри Эрнисбек Ормоковдун тапшырмасы менен облустук клиникалык оорукананын айланасындагы (муниципалдык жердеги) дарыканалар, ашканалар жана соода түйүндөрү ижарачылар тарабынан буздурулуп жатат.

Жалал-Абад шаардык мэриясынын маалымат борбору билдиргендей, кечээ, 19-майда мэрдин орун басары Уларбек Исмаилов тиешелүү жетекчилер менен облустук ооруканасына кирүүчү жолдун жээгиндеги жалпы 14 даана дарыкана, ашкана жана соода түйүндөрүн техниканын жардамында буздуруу үчүн барган. Анда ишкерлер бир күндүк мөөнөт сурап, курулуштарды өздөрү бузуп кетүүнү суранышкан.

Белгилей кетсек, буга чейин Министрлер Кабинетинин Төрагасынын орун басары – УКМК төрагасы Камчыбек Ташиев Жалал-Абад облустук клиникалык ооруканасынын айланасын иретке келтирүү, эскилиги жеткен имараттарды буздуруу боюнча шаар мэрине, облус башчысына жана оорукананын жетекчисине тапшырмаларды берген.