15 Бардыгы /

ЖКККББнын борбордук аппаратында башкы башкармалыктын башчысы милициянын полковниги  Жеңишбек Джоробековдун жана орун басарынын, ошондой эле ЖКККББнын жер-жерлердеги бөлүм башчыларынын катышуусунда 2025-жылдын беш айынын ишмердүүлүгүн жыйынтыктоо боюнча онлайн кеңешме өткөрүлүп, төмөнкү маселелер каралды.
ЖКККББнын басма сөз кызматы билдиргендей, жыл башынан тартып, ЖКККББгы тарабынан жалпысынан 497миң 240 жол эрежелерин бузган айдоочулар аныкталган. Алардын ичинен:
-Мас абалында унаа башкарган 6800 айдоочу;
-Ылдамдыкты ашырып айдаган 76миң 572 айдоочу;
-Терезелерин мыйзамсыз караңгылатып алгандар 3010 айдоочу;
-Тийиштүү документтери жок унаа башкарган 17 521 айдоочу;
-Автоээнбаштык жасаган  466 айдоочу;
-Жол белгилерине баш ийбеген 248 003 айдоочу;
Ар кандай жол эрежелерин бузгандыгы үчүн, 68миң52  авто унаа убактылуу айып короо жайына токтотулган.
Ыкчам кеңешменин жүрүшүндө, ИИМдин ЖКККББнын жетекчилиги тарабынан жер-жерлердеги бөлүмдөрдүн жетекчилерине жол-унаа кырсыктарынын алдын алуу багытында тийиштүү тапшырмалар коюулуп, айрыкча жаш өспүрүмдөрдүн коопсуздугуна көңүл буруу эскертилди. Ошондой эле кызматкерлерден мыйзамдуулукту жана кызматтык тартипти сактоо талабы коюулуп, айрыкча туристтик мезгил учурунда айдоочулардын жол коопсуздугуна өзгөчө көңүл буруу эскертилди.