9 Бардыгы /

Аксы районунда быйылкы жылы райондук №12, №38 жол тейлөө мекемелери аркылуу 100 чакырымга жакын автоунаа жолдорунда асфальттоо иштери кызуу жүрүүдө.

Аксы райондук мамлекеттик администрациясы маалымдагандай, бүгүнкү күндө Кербен – Үч-Коргон ГЭС автожолу, 5,5 км автожолго асфальт төшөө жумуштары аткарылган.  Үч-Коргон айыл аймагынын Жыл-Коол айылында 1,5 км ички жолго,  Кербен-Кашка-Суу автожолунда 1 км автожолго асфальт төшөлдү.

Авлетим-Товар-Сай автожолунда 2 км автожол асфальт төшөөгө даярдалып, Сары-Челек айыл аймагынын Итагар айылында 2 км жолго асфальт төшөлүп жатат.

Ошондой эле Ала-Бука-Кербен-Таш-Көмүр автожолунда 1,4 км,

Кара-Жыгач-Сары-Челек автожолунда 0,300 км автожолго,

Өлөн-Булак-Чарбак автожолунда 3,9 км жолго асфальт төшөлдү.

Ал эми Майлуу-Суу-Ак-Суу-Жаңы-Талап автожолунда 5 км жолго,

Ак-Жол айыл аймагынын Райкомол айылында 2 км автожолго асфалт төшөлүүдө.

Кош-Дөбө-Мундуз автожолунда жээк бекемдөө жумуштары аткарылып, жалпысынан 2,4 км жээк бекемделди. Кара-Суу дарыясындагы көпүрө, Кара-Жыгач-Сары-Челек автожолунун 3,8 км жайгашкан көпүрө курулуп бүтүп пайдаланууга берилди.

Ошондой эле Кара-Жыгач-Сары-Челек авто жолунда, Кербен –Кара-Жыгач авто жолунда асфальт басылууда. Кербен шаарынын 9 км айлампа жолду жасоо иштери кызуу жүрүүдө.