15 Бардыгы /

Бүгүн, 29-июль күнү Жалал-Абад шаарынын мэриясында 6 айдын жыйынтыгын чыгарган коллегия болуп өттү.

Жалал-Абад шаардык мэриясынын маалымат борбору билдиргендей, коллегияга КР Президентинин Жалал-Абад облусундагы ыйгарым укуктуу өкүлүнүн биринчи орун басары Нурлан Эрматов, Жалал-Абад шаарынын мэри Эрнисбек Ормоков, шаардык депутаттар кеңешинин төрагасы Орозбек Турдубеков, мэрдин орун басарлары жана шаардагы мекеме- ишканалардын жетекчилери катышты.

Күн тартибинде бир маселе каралды:

1. Шаардын 2025-жылда социалдык-экономикалык өнүгүүсүнүн 2-кварталдагы жыйынтыктары жана 3-кварталга койгон милдеттери жөнүндө.

Алгач, 6 ай ичинде шаарда аткарылган жумуштар боюнча мэрдин орун басарлары, мэриянын аппарат жетекчиси жана бөлүм башчылар тарабынан 2025-жылдын 6 айында аткарылган иштер, көрсөткүчтөр боюнча маалыматтар берилип, суроолорго жооп беришти.

Шаардын 2025-жылдын 6 айына жергиликтүү бюджеттин планы 577 млн. 275,7 миң сом болгон болсо, 609 млн. 316,8 миӊ сомго аткарылып, план 105,6% аткарылды.

Ал эми республикалык бюджеттен келген официалдуу трансферттерди жана турукташтыруу фондунан такталган каражаттарды кошкондо, такталган план 2 млрд. 181 млн. 820,8 миң сом өлчөмүндө аныкталып, 3 млрд. 025 млн. 861,9 миң сом өлчөмүндө аткарылды.

Мындан сырткары, 2025-жылдын 6 айында шаарыбыздын экономикасынын ар түрдүү тармактарына 7 млрд. 199 млн. сомдук инвестиция тартылып, өткөн жылдын ушул мезгилине салыштырмалуу өсүү темпи 347,2 %ды түздү.

Жалал-Абад шаарынын аймагында 2025-жылдын II кварталына карата жалпы 121 жаңы ишкана катталып, 113 туруктуу жумуш орун түзүлгөн.

Ошондой эле үстүбуздөгү жылдын II квартал ичинде 14 көчөгө 6456 метр асфальт төшөлгөн болсо, 16 көчөгө 26486 метр жөө жүргүнчүлөр жүрүүчү жолдор курулууда. Анын ичинен 9 көчө 13285 метр аягына чыгарылды.

Шаар башчысы коллегияда ымыркайлардын чарчап калуусунун жана энелердин өлүмүнүн санын азайтуу, алдын алуу максатында перинаталдык борбор курулуп, аягына чыгуу алдында турганын белгилеп, тиешелүү жетекчилерге ал жерде иштей турган дарыгерлерди камсыз кылуу боюнча иш алып баруу тапшырмасын койду.