6 Бардыгы /

Кадимки эле биз от жагуу, жылытуу үчүн колдонгон көмүр өзүнөн-өзү күйүү касиетине ээ. Көпчүлүк учурда майда же нымдуу көмүр өзүнөн-өзү күйөт.

Көмүрдүн өзүнөн-өзү күйүүсү кычкылтек менен өз ара кычкылдануу реакциясы (адсорбция) жүрүп, узак убакытка жүргөн химиялык реакциялардын натыйжасында көмүрдүн температурасы жогорулап (80-90°С) кетишинен улам келип чыгат.

2025-жылдын 9-августунда Сузак районуна караштуу Көк-Жаңгак шаарындагы Г.Атаханов көчөсү н/ж дарегинде жайгашкан Балдар Искусство мектебинин жер төлөөсүндө кышкы мезгилге камдалган 24 тонна көмүр сакталып турган жеринде өзүнөн-өзү кызып, түтөп, күйгөн факты катталган.

Көмүрдүн өзүнөн-өзү күйүүсүн алдын алуу максатында төмөнкү көмүрдү сактоо шарттары аткарылышы зарыл:

• кампага киргизилүүчү көмүр ным болбошу керек.
• көмүр сактоочу жайдагы көмүргө күн нуру тийбөөсү керек.
• көмүр сактоочу жайда көмүр менен кошо жыгач, кагаз жана  башка күйүүчү заттардын калдыктары сакталбаш керек.
• түрдүү сорттогу, ошондой эле, жаңы көмүр менен эски көмүрдү аралаштырып сактабоо керек.  
• көмүрдү жылуулук бөлүп чыгаруучу жер астындагы коммуникациялардын, курулмалардын үстүндө сактабоо керек.

Урматтуу жарандар! Сузак району боюнча өзгөчө кырдаалдар бөлүмү кышкы от жагууга камдалган көмүрдүн өзүнөн-өзү күйүүсүн алдын алуу максатында жогорудагы көмүрдү сактоо эрежелерин так сактоону эскертет.  

Тынычбек Ниязалиев, Сузак району боюнча ӨКБнүн ӨӨжААБнүн улук офицери, капитан