6 Бардыгы /

Энергетика министрлигинин алдыдагы 2025-2026-жылдардын күз-кыш мезгилдерине карата даярдык көрүү боюнча коюлган тапшырмасына ылайык “Кыргызстан УЭТ” ААКнын филиалы – Жалал-Абад электр тармактар ишканасынын 0,4-6-10 кВ бөлүштүрүүчү электр тармактарында жумуштар  мерчемделген планга ылайык жүргүзүлүүдө.

Алсак, Жалал-Абад электр тармактар ишканасынын 12 район электр тармактарында азыркы күнгө чейинки жасалган жумуштардын көлөмү 70 пайызды түзөт. Жалал-Абад облусу боюнча 359 даана трансформатор жана 369,82 чакырым 6-10 кВ аба чубалгы оңдоп-түзөөдөн өттү.

Алар:

-Ала-Бука РЭТи – 31,8 чакырым аба чубалгы, 44 даана трансформатор;

-Аксы РЭТи -40,7 чакырым аба чубалгы, 36 даана трансформатор;

-Базар-Коргон РЭТи – 38,8 чакырым аба чубалгы, 40 даана трансформатор;

-Жалал-Абад РЭТи – 27,8 чакырым аба чубалгы, 17даана трансформатор;

-Кара-Көл РЭТи – 12,0 чакырым аба чубалгы, 14 даана трансформатор;

-Көк-Арт РЭТи – 23,0 чакырым аба чубалгы, 36 даана трансформатор;

-Майлуу-Суу РЭТи – 6,7 чакырым аба чубалгы,8 даана трансформатор;

-Ноокен РЭТи – 92,4 чакырым аба чубалгы, 29 даана трансформатор;

-Сузак РЭТи – 47,2 чакырым аба чубалгы, 53 даана трансформатор;

-Таш-Көмүр РЭТи – 7,0 чакырым аба чубалгы, 25 даана трансформатор;

-Токтогул РЭТи – 43,3 чакырым аба чубалгы, 49 даана трансформатор;

-Чаткал РЭТи –  8 даана трансформатор;

Алдыда ноябрь айына чейин 213 даана трансформатор, 170,18 чакырым 6-10 кВ аба чубалгы оңдоодон өткөрүлөт.

Мындан тышкары  облустагы баардык район электр тармактарынын  аткарган жумуштарынын жыйынтыгында бүгүнкү күндө  2026 даана трансформатор жана 4180,82 чакырым 0,4-6,10 кВ аба чубалгы техникалык тейлөөдөн өткөрүлдү. Дагы алдыда күз айларына чейин 1273 даана трансформатор, 2546,9 чакырым 0,4-6-10 кВ аба чубалгы техникалык тейлөөдөн өткөрүлөт.

Пландаштырылган оңдоп-түзөө иштери убагында эртең менен саат 09-00дөн кечки саат 17-00гө электр энергиясы үзгүлтүккө учурайт. Оңдоп-түзөө иштери кайсы аймакта, качан болору тууралуу маалымат Жалал-Абад электр тармактар ишканасынын официалдуу сайтына http://jpes.nesk.kg/ru/ жана Facebook, Instagram социалдык тармактарындагы баракчаларына жайгаштырылат. О.э. “Мой свет” мобилдик тиркемеси аркылуу да билдирүүлөр келет.

Электр энергиясы менен камсыздоо боюнча чалуу–борборуна төмөндөгү номерлерге кайрылыңыздар:105, 1209, 0(772) 00 12 09, 0(556) 00 12 09, 0(702) 00 12 09 (ватсап).

Жалал-Абад электр тармактар ишканасынын маалымат кызматы