15 Бардыгы /

Урматтуу Жалал-Абад шаарынын тургундары жана коноктору!

Кыргыз Республикасынын эгемендүүлүк майрамынын 34 жылдыгы Жалал-Абад шаарында чоң салтанат менен белгиленип жаткандыгына байланыштуу унаалардын кыймылына чектөөлөр киргизилет.

Тагыраагы, 26-августтан 31-августка чейин “Эркиндик” аянты Т.Байзаков проспектиси менен Токтогул көчөлөрүнүн кесилишинен, Т.Байзаков проспектиси менен Барпы-Сейил көчөлөрүнүн кесилишинен, Эркиндик көчөсү менен Исакулов көчөлөрүнүн кесилишинен жана Эркиндик менен Ж.Бакиев көчөлөрүнүн кесилишинен жабылат.

Ал эми 30-август күнү Жалал-Абад шаарына кирип-чыгуучу 8 жайга блок-посттор коюлуп, унаалардын кирип-чыгуусуна чектөө киргизилип, ал жерлерге жүргүнчүлөрдү тейлөө үчүн коомдук транспорттор коюлат. Ошондой эле жаңы административдик имараттын алдындагы жаңы борбордук аянттагы иш-чарага байланыштуу Курманбек көчөсү Т.Байзаков проспектиси жана Абдрахманов көчөлөрү менен кесилишинен, Абдрахманов көчөсү Т.Байзаков проспектиси жана Курманбек көчөлөрү менен кесилишинен жабылат.

Андыктан жаралган ыңгайсыздыкты түшүнүү менен кабыл алып, чектөөлөргө баш ийүүгө жана коомдук транспорттор менен каттам жүргүзүп турууга чакырабыз!

Жалал-Абад шаардык мэриясынын Маалымат борбору