15 Бардыгы /

Бүгүн, 25-августта  Жалал-Абад шаарында Кыргыз Республикасынын Эгемендүүлүгүнүн 34 жылдыгын белгилөө даярдыктарынын алкагында милиция кызматкерлеринин гарнизондук саптык кароосу болуп өттү.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев катышып, милиция кызматкерлерине кайрылды. Ал өз сөзүндө алдыдагы майрамдык иш-чараларды жогорку деңгээлде өткөрүүдө ички иштер органдарынын орду өзгөчө мааниге ээ экенин баса белгиледи.

Облус башчысы быйылкы Эгемендүүлүк майрамы республикалык деңгээлде Жалал-Абад облусунда белгиленерин айтып, бул чоң сыймык жана ар бир кызматкерден жогорку жоопкерчиликти талап кыларын белгиледи.

Саптык кароо учурунда милиция кызматкерлеринин башкы милдеттери белгиленип өттү. Алардын катарына коомдук жайлардагы тартипти камсыз кылуу, жарандардын коопсуздугун сактоо, мыйзам бузуулардын алдын алуу жана шаар ичиндеги транспорт кыймылын иретке келтирүү кирери айтылды.

Өкүл иш-чаранын соңунда милиция кызматкерлерине ийгилик каалап, алдыдагы майрамдык салтанаттарды тынчтыкта жана тартипте өткөрүүгө жигердүү салым кошууга чакырды.